Connect with us
Advertisement
Advertisement

Cymraeg

Dehongliad cyffrous o chwedl Beddgelert

Published

on

Hownd ffyddlon sy'n aberthu ei fywyd i achub mab ei feistr: Gelert

DYMA chwedl enwocaf Cymru am ffrind gorau Dyn – ac nawr cawn fwynhau stori Gelert y ci mewn ffilm fer, afaelgar sy’n ein denu yn ôl i’r cyfnod canoloesol a ysbrydolodd y stori drist.

Mae’r ffilm 15 munud Beddgelert yn ddehongliad newydd a realistig o’r stori enwog am hownd ffyddlon Tywysog Llywelyn Fawr sy’n aberthu ei fywyd i achub mab ei feistr.

Bydd y ffilm Beddgelert, a gafodd ei hysgrifennu a’i chyfarwyddo gan y cyfarwyddwr ffilm adnabyddus, Medeni Griffiths, yn cael ei darlledu ar S4C nos Fercher, 1 Tachwedd, 7.35pm, fel rhan o dymor Chwedlau S4C.

Wedi’i saethu ar leoliad yn ardal Dolwyddelan, Eryri, prif gymeriadau’r ffilm yw Tywysog Llywelyn Fawr (a bortreadir gan Andrew Howard) a’i ddiweddar wraig Siwan (Catherine Ayers).

Rydym yn clywed iaith sydd wedi cael ei hysbrydoli gan yr iaith a fyddai wedi cael ei siarad ar adeg teyrnasiad Tywysog Cymru yn y 12fed a’r 13eg ganrif. Darperir is-deitlau ar y sgrin mewn Cymraeg modern.

Mae Medeni Griffiths, yr awdur/cyfarwyddwr Cymreig sy’n byw ac yn gweithio yn Los Angeles, ac yn adnabyddus am ei harddull ddychmygus a gafaelgar mewn ffilmiau fel ‘Summit’, yn cyflwyno themâu newydd i ychwanegu dyfnder a lliw i’r stori adnabyddus sydd i’w hanfarwoli am byth mwy yn y byd enwog yn y pentref tlws yn Eryri.

Meddai Medeni, “Dw i wedi mopio hefo stori Beddgelert ers yr oeddwn i’n blentyn, ac er bod llawer o bobl yn meddwl ei bod hi’n drasiedi, roeddwn i eisiau creu ffilm a oedd yn cynnig mymryn o obaith ar y diwedd i’r cymeriad hwn a’i fab; neges yn dweud bod ganddyn nhw ddyfodol gyda’i gilydd. Mae’n stori drist, ond rwy’n gobeithio y bydd pobl hefyd yn profi’r ochr hudol iddi ac yn cael ei hysbrydoli ganddi.”

Yn y ffilm mae’r gwylwyr yn cwrdd â Llywelyn Fawr, sy’n galaru ar ôl colli ei wraig, Siwan. Mae’n chwilio am loches dawel yn ei gastell yn Nolwyddelan, yng nghwmni ei fab bach a’i gi dibynadwy, Gelert. Ond er gwaethaf cwmni Gelert, mae Llywelyn yn cael ei ddrysu gan ei alar, ac mae’n methu â synhwyro’r perygl sy’n bygwth ei deulu.

Cynhyrchydd y ffilm yw Benjamin Jenkins, gyda Rupert Bradfield yn serennu fel mab Tywysog Llywelyn, Dafydd, a Fern y ci fel Gelert. Y cyfansoddwr disglair Ceiri Torjussen sy’n gyfrifol am y gerddoriaeth ac Alys Bevan am y gwisgoedd. Mae’r cynhyrchiad yma gan Bad Wolf yn un o nifer o ffilmiau byr a gomisiynwyd gan Ffilm Cymru Wales a BFI NET.WORK’s Beacons fel rhan o gynllun i annog gwneuthurwyr ffilmiau newydd.

Continue Reading

Cymraeg

Datblygu dyfodol ar gyfer doniau Cymru

Published

on

Hijras: galeidosgopaidd i mewn i fywydau dirgel a chreulon cymuned drawsryweddol

MAE’R garfan ddiweddaraf hon ar lyfrau Ffilm Cymru Wales yn dangos sbectrwm eang o storïau gan leisiau amrywiol; mae pob un o’r prosiectau yn cynnwys menyw yn brif gymeriad neu’n gyd-brif gymeriad, a chydag o leiaf un fenyw yn y tîm creadigol craidd; mae bron i hanner yn cynnwys doniau BAME a/neu LGBTQ yn rôl yr awdur, y cyfarwyddwr neu’r cynhyrchydd, yn ogystal â chynrychiolaeth ar y sgrin; ac mae 40% o’r prosiectau yn yr iaith Gymraeg.

Wrth gyflwyno’r dyfarniadau datblygu newydd hyn, meddai Kimberley Warner, Pennaeth Busnes Creadigol Ffilm Cymru Wales, “Mae Ffilm Cymru Wales yn falch i fedru denu rhai o’r doniau mwyaf cyffrous a gwreiddiol ym myd creu ffilm yng Nghymru. Gwelsom gynnydd o 300% yn nifer y prosiectau datblygu sy’n bwrw ymlaen i gael eu cynhyrchu dros y tair blynedd diwethaf, ac mae llawer o’r diolch am hynny i’n system Magnifier sy’n cefnogi doniau, yn ogystal â’n hymrwymiad i ddiwylliant ffilm cynhwysol.”

Lluniwyd dull Magnifier Ffilm Cymru Wales i helpu’r cyfranogwyr i nodi ac adeiladu eu cynulleidfaoedd a’u ffrydiau refeniw gan gychwyn ar gamau datblygu cynharaf y prosiect, a’u hannog i fanteisio’n llawn ar eu syniadau.

HIJRA

Dyma naid liwgar, galeidosgopaidd i mewn i fywydau dirgel a chreulon cymuned drawsryweddol hynaf y byd. Mae’r Hijra yn Delhi ar fin ailddiffinio eu hunaniaeth wrth i gyfreithiau newydd ac ymgyrchydd penderfynol ddechrau creu cynnwrf. Yn y prosiect hwn, mae’r cyfarwyddwr Indiaidd-Gymreig, Ila Mehrotra Jenkins, a’r cynhyrchydd Andrew Smith yn symud i fyd ffilmiau dogfen hir, wedi iddynt fod yn cydweithio ar lawer o ymchwiliadau a rhaglenni dogfen oriau brig o ansawdd uchel ar gyfer BBC4, Channel 4, ITV a Vice News.

HOW BLACK MOTHERS SAY I LOVE YOU

Yn seiliedig ar ddrama lwyfan lwyddiannus Trey Anthony, mae’r ddrama ddeifiol hon yn dilyn hanes gweithwraig gymdeithasol lesbiaidd ddu sy’n dychwelyd i’w t enedigol i ddod i delerau â’i mam sydd ar ei gwely angau. Mae’r wneuthurwraig ffilm Gymreig-Ganadaidd, Carys Lewis, ar waith ag addasu’r sgript i’r sgrin ar y cyd â Trey Anthony, a Clement Virgo (Greenleaf, The Wire) fydd yn cyfarwyddo. How Black Mothers Say I Love You fydd ffilm hir gyntaf Carys Lewis, yn dilyn ei ffilmiau byr, Stuffed ac Afiach a gefnogwyd gan Ffilm Cymru Wales a RHWYDWAITH BFI. Mae Lewis hefyd yn un o gydsylfaenwyr cydweithfa SHIFFT Female Filmmakers, ac yn ddiweddar fe’i penodwyd yn Wneuthurwraig Ffilm Breswyl gyntaf Opera Cenedlaethol Cymru.

THE PROMISEM

Yn dilyn ei ffilm hir gyntaf ysgytwol, The Passing / Yr Ymadawiad, mae cyfarwyddwr Y Gwyll / Hinterland yn cyflwyno’r ffilm arswyd gyfnod seicolegol hon. Mewn cymuned arunig yng nghanolbarth Cymru ym 1890, caiff merch ifanc, Mari, ei hystyried yn hwren wedi iddi ddod i gyswllt ag ysgolfeistr gwadd. Wrth i’r gymuned droi’n greulon yn erbyn Mari, dyma hi’n troi ar y Diafol i’w helpu i dalu’r pwyth. Mae’r cynhyrchydd Ed Talfan a’r cyfarwyddwr Gareth Bryn yn gweithio gyda’r awduron Caryl Lewis a Mark Andrew; yn ddiweddar, bu’r tîm yn cydweithio ar gyfres ddrama 8 rhan Severn Screen, Craith / Hidden. Cyd-grëwyd y gyfres gan Mark Andrew ac Ed Talfan a chaiff ei darlledu gan y BBC yn nes ymlaen eleni.

RHIANNON

Y modd yr aeth awdurdod pwerus, di-hid, ati i foddi Tryweryn yw’r cyd-destun ehangach i’r prosiect hwn, wrth i un ddynes wynebu torcalon personol a phenodol iawn yng nghanol y distryw. Stori Gymraeg o golled a bregusrwydd yw Rhiannon, sy’n cael ei hysgrifennu gan Manon Eames, a hithau wedi derbyn clod y beirniaid am ei nofel a’i drama lwyfan, Porth y Byddar. Bethan Eames (Eldra, Cwcw) fydd yn cynhyrchu, a bydd Roger Williams (Bang) yn Gynhyrchydd Gweithredol.

TREMBLE

Dyma ffilm gyffro ddwyieithog yn seiliedig ar hanes gwir Henry Tremble, bwtler yn Sir Gaerfyrddin a gynllwyniodd i lofruddio ei gyflogwr a’i deulu un diwrnod ym 1876. Dyma ffilm hir gyntaf yr awdur-gyfarwyddwr o Gymru, Tracy Spottiswoode, ac mae hefyd yn archwilio cyfleoedd i gyfuno theatr byw a ffilm gan ddefnyddio technoleg ymdrochol. Caiff Tremble ei chynhyrchu gan Kathy Speirs, Moon Dogs.

Continue Reading

Cymraeg

Canrif o wasanaeth i bedwar aelod o staff Awdurdod y Parc Cenedlaethol

Published

on

O’r chwith i’r dde : Geoff Severn; Sarah Hirst; Gwyneth Hayward, Cadeirydd Awdurdod y Parc; Dyfan Evans; Yvonne Jones a Tegryn Jones, Prif Weithredwr Awdurdod y Parc.

Y​N​ ddiweddar, cafodd pedwar aelod o staff Awdurdod Parc Cenedlaethol Arfordir Penfro blaciau arbennig bob un i ddathlu chwarter canrif o wasanaeth i’r sefydliad.

Rhyngddynt, mae Dyfan Evans, Sarah Hirst, Yvonne Jones a Geoff Severn, wedi treulio dros 100 mlynedd yn gweithio i’r Awdurdod, a chyflwynwyd y gwobrau am wasanaeth hir iddynt ar ddiwedd 2017.

Dywedodd Gwyneth Hayward, Cadeirydd Awdurdod y Parc Cenedlaethol: “Mae cael cyfle i gydnabod aelodau o staff am 25 mlynedd o wasanaeth yn brin, felly mae gallu llongyfarch pedwar ar yr un pryd yn eithaf anhygoel.

“Mae’r Awdurdod yn ffodus o gael aelodau o staff mor ymroddgar ac rwyf mor falch fy mod wedi gallu cydnabod ymrwymiad y pedwar unigolyn yma, sy’n dod â phrofiad mor werthfawr i’w swyddi.”

Mae Geoff a Dyfan yn gweithio gyda Thîm Wardeiniaid y Gogledd, mae Yvonne yn rhan o’r Tîm Cyllid, ac mae Sarah yn aelod o Dîm Cyfeiriad y Parc.

Continue Reading

Cymraeg

Profiad dirdynnol i Donna Isaacs a’r teulu

Published

on

Shelley Rees: Chwarae Donna Isaacs

MAE Nicky wedi cael llond bol ar yr agweddau cul a’r bwlian homoffobaidd gan rai o ddisgyblion Ysgol Porth y Glo ac mae Aled yn ceisio ail-gydio yn ei fywyd wrth i ni ymuno â chriw’r gyfres ddrama Gwaith Cartref, nos Iau, 15 Chwefror ar S4C.

Mae ysgrifenyddes yr ysgol, Donna, yn ymweld â’i gŵr Colin yn yr ysbyty ac yn gorfod derbyn nad yw e’n mynd i wella dros nos. Cawsom ni sgwrs â Shelley Rees, yr actores o Don Pentre yn y Rhondda, sy’n chwarae Donna Isaacs.

Mae pethau yn anodd iawn i Donna, Colin a’r teulu. Pryd wnaeth Colin ddechrau dangos arwyddion ei fod e’n dioddef o iselder?

Erbyn diwedd y gyfres ddiwethaf roedd Colin yn dechrau dangos arwyddion bod rhywbeth yn bod. Pethau bach oedd i ddechrau – fel Colin yn mynd i’r siop i brynu bara a ddim yn dychwelyd; neu bacio i fynd ar wyliau, ond doedd dim gwyliau wedi’u trefnu. Roedd Donna wedi ceisio ei berswadio i fynd at y meddyg achos doedd hi ddim yn gwybod sut i ddelio â’r sefyllfa. Mae Colin wedi bod yn dawel iawn drwy’r holl beth ac wedi datgysylltu ei hun o bobl eraill.

Sut mae Donna yn ymateb i’r sefyllfa?

Mae hi mewn sioc am yr holl beth a dweud y gwir ac yn gobeithio ei bod hi’n gallu sortio’r sefyllfa. Ar y dechrau, mae hi’n ei ffeindio hi’n anodd cytuno bod Colin angen triniaeth ond mae hi hefyd yn deall bod angen i’r tîm meddygol wneud popeth posib i’w wella. Er bod Donna yn gymeriad cryf, mae hyn yn ergyd enfawr iddi.

Ydy’r ysgol yn gefnogol ac a fydd pwynt yn dod lle mae Donna eisiau rhoi i fyny?

Mae Donna mor broffesiynol dyw hi ddim yn trafod y sefyllfa yn y gwaith. Er bod y staff yn garedig, mae hi wedi colli Colin, ei ffrind gorau. Mae hi’n torri ei chalon ond yn trio gwneud y gorau o’r sefyllfa. Mae hi wir yn gweld eisiau Colin gan fod y ddau wastad wedi bod yn gefn i’w gilydd. Yn ystod y gyfres, mae pob math o broblemau yn codi gyda’r plant ac mae Donna o dan bwysau aruthrol. Roedd y stori am iselder yn gyfle i weld ochr fregus iawn unigolyn sydd fel arfer yn gallu ymdopi gydag unrhywbeth.

Fel actores, sut brofiad yw chwarae’r cymeriad?

Dwi wrth fy modd! Mae hi’n fywiog, yn chwareus, siaradus, yn gyfeillgar ac yn gefn i bawb. Fel cyn ddisgybl Ysgol Porth y Glo, mae hi’n deall cefndiroedd y disgyblion ac yn gefnogol iawn o’r brifathrawes, Dr Murphy. Dwi wedi bod mor lwcus i gael straeon difyr ymhob cyfres o Gwaith Cartref ac mae cael chwarae cymeriad Donna yn yr ysgol a gartref gyda’r teulu yn ddiddorol iawn.

Continue Reading
News13 hours ago

4.4 magnitude earthquake felt across Wales

AN earthquake of 4.4 magnitude has been felt across Wales and England this afternoon (Feb 17). There are numerous reports...

News1 day ago

Haverfordwest: Man who died in collision with lorry named

A 43-YEAR-OLD man has died following a collision between two vehicles on one of the busiest roads in Haverfordwest yesterday...

News2 days ago

Man jailed after failing to pay £208k fine for illegal scrap yard

A MAN has been jailed after failing to pay a fine of £208,000 for running an illegal scrap metal business...

News2 days ago

8,000 people join Facebook group protesting tax rise plans [UPDATED]

THOUSANDS have joined a Facebook group to protest the proposed 12.5% council tax hike which is looking more likely to...

News2 days ago

‘Deeply troubled’ teen took own life

A 17-YEAR-OLD boy took deliberate steps to end his own life, the Coroner for Pembrokeshire and Ceredigion has ruled at...

News2 days ago

Man denies serious assault in New Hedges

A MAN is to stand trial accused of carrying out a serious attack in New Hedges near Tenby. Dale Lewis,...

News3 days ago

Children to receive domestic abuse support from schools

CHILDREN and young people in Pembrokeshire who witness the distressing scenes of domestic abuse are now receiving support from their...

News5 days ago

Tributes paid to man who raised over £30,000 for Withybush Hospital

TRIBUTES to a popular man from Letterston, who unfortunately lost his battle with lung cancer last week (Feb 8), have...

News5 days ago

Haverfordwest: Police appeal following serious assault in Priory Avenue

THE POLICE have issued an urgent appeal for witnesses to come forward, following an assault which took place after house...

News6 days ago

Huge 12.5% council tax hike backed by cabinet

PEMBROKESHIRE COUNTY COUNCIL’S Cabinet has recommended that Council Tax should go up by 12.5% at its meeting on Monday (Feb...

Popular This Week